Explicit, Texte : Ainsi trespassa li sainz hom de cete mortel vie et fu en joie pardurable, ou Dex nos dont toz parvenir par sa doçor et par sa misericorde. Amen
Ci parole conment saint ylaires estoit i jour en sa cele k’il avoit faite de joins si vit venir devant lui une compaignie de diables ki estoient monte sour cevaus tous ardans (84va) ; Ci parole conment li diable s’aparurent a saint ylaire en sa cele en huise de femes toutes nues pour lui decevoir et en samblances de bestes et de gens tous armes ansi com farus parmi le cors et se laisoient cair as ses pies comme mort (84vb) ; Ci parole conment li laron alerent querre saint ylaire toute nuit pour lui desreuber et ocire si le trouverent qant il fu jour si les preesca tant sains ilaires qu’il crurent en nostre signor (85va) ; Ci parole conment une dame vint a saint ilaire en sa cele et se laissa cair a ses pies et li cria merchi pour ço k’ele ne pooit avoir enfant de sem baron et sains ylaires proia a a [sic] nostre signor k’ele eult enfant ((86rb) ; Ci parole conment une feme vint a saint ylaire ou desert si li proia qu’il venist a ses enfans qu’il gisoient malade et qu’il leur donnast sante et il li ala si les wari (86va) ; Ci parole conment il estoit i grans sires qui une legion de diables avoit ou cors si contient VIm et VIc et LXIII et la mena on a saint ylaire et tantost qu’il vit saint aylaire si le courut sus et l’embraça come tos esragies qu’il estoit (87ra) ; Ci parole conment li rices hom vint ariere a saint ilaire pour rendre grasses a lui de çou qu’il l’avoit gari si li aportoient entre lui et se feme grant masse d’or et d’argent et saint ylaires li dist qui le departesist as povres par les cites (87va) ; Ci parole conment un crestiens avoit empris i cors de kevaus envers un paien et li crestiens vint a saint ylaire si li pria qu’il li donast vitore du cors des kevaus et sains ylaires li donna i hanap et puça de l’iave et arousa ses kevaus et le cars au paien et ensi k’il couroient li cars au paien comença ardoir et li crestien waagna le cours (88ra) ; Ci parole conment i jovenenciaus sarrasins amoit vne pucele crestiene si tres fort k'il ne savoit ke faire ; si fist tant d'encantemens par ses ydles qu'il encarna la pucele et fu ansi que tote dervee ; si le mena on a saint ylaire pour lui garir de cel encantement (88vb) ; Ci parole conment sains ylaires aloit visiter tous ses freres es desers et passa une vile plaine de sarrasins et vinrent encontre saint ylaire et li priierent ki leur feist une eglise et i mesist i prestre de ses moines (89va) ; Ci parole conment li frere priierent saint ylaire qu'il alast herbergier a le maison d'un de leur frere ki estoit trop escars ; si i alerent et vaurent coillir li frere de ses roisins et il li avoit mis wardes por encacier lour freres par l'escarcete que en lui est (90ra) ; Ci parole conment i freres avoit achate i courtil des deniers k'il avoit reçut maisement ; si en aporta des premieres semences avoec saint ylaire et ses freres si puoient si fort qu'ele pooit soffrir et li sains les fist metre devant les bues et les vakes et si tost qu'il sentirent ces erbes si s'en fuirent (90vb) ; Ci parole conment Julius cesar fist querre saint ylaire pour ocire ; si le caçoient cil de gaze la cite et le quidierent avoit trouve a l'abie u il avoit geu (92rb) ; Ci parole conment sains ilaires vint a le mer et entra es nes et li fieux le notonnier estoit malades car li anemis li estoit ou cors et sains ylaires l'en wari entrues qu'il estoient en le mer et fu viii jours en mer (92vb) ; Ci parole conment il estoit i hom a roume qui avoit l'anemi ou cors si le mena on au mostrier s. piere et si tost qu'il i fu si dist il qu'il venroit a saint ylaire ki estoit repus en sezille et si tost qu'il i vint si fu garis et li diaules li issi hors dou cors (93rb) ; Ci parole conment sains ylaires estoit en la tere dalmatie si i avoit un serpent si grant et si crueus si qu'il essilloit tout le pais et tuoit et homes et femes et enfant et sains illaires fist faire i fu de laigne et li serpens entra ens et fu tous ars en poure (94ra) ; Ci parole conment sains ylaires entra en mer pour aler em cipre et lui et ses desiples dont vinrent laron par mer es galies pour eus desreuber et si tost com li sains hom les vit si les fist retorner sans aprocier a lui ausi tost com mil (sic) venoient en ralerent il (94va) ; Ci parole conment sains ylaires morut et come s'arme fu emportee em paradis et fu emfouis em cipre et conment esesicus l'embla et l'emporta em palestine a sses freres (95ra)
Formule finale
Explicit Ci define li livres de le vie saint ylaire et ci commence li livres de le vie monsigneur saint Nicholai
Sigle
Précisions sur l'état matériel
mutilé du début ; manque un feuillet entre 86 et 87, entre 90 et 91 ; entre 94 et 95
