| Formule préliminaire |
Répertoire encommenchié par Loys Lodenoet, natif de
Warneston en Flandres, soubz monseigneur le conte de Saint-Pol, pour ce tamps clercq jure des eschevins de Namur et du Feix, de toutes causes et questions, soient de coustume ou de droit, desquelles il a veu user en l'une des cours et l'autre, ensemble ceulx qu'il a trouve par escript d'anchienete dont l'on est tenu de user pour entretenir les dictes anchiennes coustumes, ausquelz tous gens de biens coustumiers et autres aymans droit et raison se doivent et sont tenus de eulx encliner et ensuyr selon que droit et bonne justice le enseignera. Toutesvoyes je ne quicrs point que personne s'y adjouste plus avant que son couraige et entendement lui donne, combien que ce qui y sera escript sera raisonnable selon le tamps passe et que je aray veu user selon l'usance des dicles deux cours et d'autres cours, selon que les causes et matières seront dignes d'escripre, soient pour aprcndre mes en fans et autres ets quelz mains le présent répertoire se pourra trouver cy après. Faicte au nom de Dieu et encommenchie par moy le xxvje jour d'octobre l'an mil CCCC iiijxx trois |
