Vie de saint Alexis | Anonyme Nous lisons en la vie des sains d’ung saint qui fust filz au plus hault prince de la court a l’empereur de Romme, qui avoit a nom Euffemien, et avoit trois millez jouvenceaulx devant lui chains de chainctures d’or et vestus de robes de soyes qui le servoient. Cest Euffemien estoit de moult sainte vie et avoit tous les jours en sa maison trois tablees de povrez orphelins, de pelerins et de povres vesves qu’il servoit moult doulcement et devotement, et de autelle vie estoit aussy sa femme qui avoit a nom Agalais, ne n’avoient nulz enffans, tant que par leurs prieres Dieu leur donna ung filz qui avoit a nom Alexis