Recette pour guérir la teigne | Anonyme Prenez flour de seigle ou de froment et poix noire autant de l'un que de l'autre, et soit mise la poix en poudre, et destramper tout ensemble de vin blanc et faictes bouillir si longuement que deviengne espeis comme bouillie ; et puis metez en un pot fredir et quant sera fret, metez sur linge neuf par petiz bandeaux et les metez sur le mal. Et pour la premiere foiz les lessez deux jours sanz les ouster et les autres foiz, changez les par chascun jour sanz cesser tant que il soit gairi.